REVIEW OF THEME AND NARRATIVE ASPECTS IN THE ACT WAR OF UHUD.

Katika makala hii tumechambua na kufafanua namna ambavyo kipengele cha mandhari na usimulizi vimetumika kufaulisha uwasilishaji wa dhamira na maudhui katika utenzi wa vita vya Uhud.Katika utafiti wetu tumerejelea nakala ya Haji Chum (1970). Matini muhimu ya utafiti wetu ilitokana na nakala hii. Nakala yenyewe tuliisoma, tukaichambua, tukaichanganua na kuweka wazi jinsi vipengele vya kimtindo tajwa vilivyofanikisha usukaji wa utenzi wa vita vya Uhud. Katika utafiti wetu tumeongozwa na lengo moja ambalo ni kufafanua wazi namna vipengele tajwa vya kimtindo vimechangia mafanikio ya uwasilishaji wa dhamira na maudhui ya mtunzi wa utenzi wa vita vya Uhud. Katika utafiti wetu tuliongozwa na nadharia ya umtindo. Nadharia hii iltusaidia kuelewa namna mawasiliano hufumbatwa kwa kujumuisha vipengele vyote muhimu vya kimtindo. Utafiti wetu ulijibu maswali muhimu ambayo yalihitaji majibu kikamilifu. Mbinu za utafiti ambazo tulizitumia ni kusoma na kuchanganua makala, tasnifu, majarida, vitabu pamoja na tafiti zilizofanywa kwenye mtandao kuhusiana na mada yetu. Vile vile mijadala na wataalamu wa fasihi hususan ushairi ilizingatiwa ili kuelewa namna ambavyo mandhari na usimulizi ni vipengele muhimu katika utafiti wetu.